1318 Februar 14. Brieg

Verkauf der Oderinsel.

Nos consules civitatis Bregensis subnotati videlicet Gozwinus pannicida, Arnoldus Sarworcht, Wynandus gener Bertrami, Wernko de Lubke, Petrus filius Cunradi et Hanko de Olauia presentibus profitemur, nos accedente consilio seniorum civium civitatis pariter et assensu honestis viris Arnoldo de Rosintal et Hankoni de Opol concivibus nostris insulam sew amnem rubum (!) in medio Odere prope molendinum predictorum Arnoldi et Hankonis situm vel constructum in superiori parte civitatis, quod in vulgari Hengelmul appellatur, rite et racionabiliter vendidisse totalem cum omni rubeto pariter et arena, quam nunc continet et in posterum habere dinoscitur. Imo si etiam donec ad litus ex oposito exsiccaretur, hoc totum ad eosdem Arnoldum et Hankonem et ad ipsorum heredes legittimos et successores hereditarie dinoscetur pro ipsorum molendini usibus et perpetue pertinere, tali tamen conditione interiecta, si pastores inimicos fugere volentes gregem civitatis equos vel quidcunque ad civitatem pertineret abscondere vellent securitatis causa in eadem insula et servare, hoc prefati Arnoldus et Hanko et eorum successores non debent aliqualiter prohibere. Insuper si quis concivium nostrorum ex lateribus domum construere vellet, et si eadem insula argillam ad lateres valentem contineret, vel si consules civitatis lateribus ad ecclesiam construendam indigerent, illi non magis pro argilla ad integram fornacem laterum debent dare, nisi unum scotum, prefati etiam Arnoldus et Hanko et eorum sucessores id ipsum molendinum in posterum possedentes consulibus nobis succedentibus singulis amnis alteram dimidiam marcam, scilicet dimidiam marcam primam in festo pasche, secundam dimidiam marcam in festo sancti Johannis baptiste proximo, tertiam dimidiam marcam in festo beati Martini proximo subsequenti dare et solvere nomine civitatis censualiter sine contradiccione et inpedimento quolibet perpetue tenebuntur. Ut autem hoc nostra venditio inviolabilis permaneat a nostris successoribus et stabilis perseveret, presentes sepius nominatis Arnoldo et Hankone dedimus nostro insignitas sigillo civitatis. Datum XVI Kalendas Marcii sub anno domini Mllo. trecentesimo decimo octavo, presentibus hiis testibus subnotatis: Cunrado de Paulow, Cunrado obraso, Petro de Bregensi villa, Bertramo, Alberto de Croscin, Danyele pistore concivibus nostris et aliis multis.

An rothseidener Schnur das auf dem Titelblatte dieses Werkes abgebildete Siegel der Stadt.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 9, Urkunden der Stadt Brieg. Urkundliche und chronikalische nachrichten über die Stadt Brieg, die dortigen Klöster, die Stadt- und Stiftsgüter bis zum Jahre 1550. Hrsg Dr. C. Grünhagen, Breslau 1870.